أربعة عائلات ليبية 80 يوم في الشارع ومازال ...

يإخوتي خلوني أنخش في الموضوع طــــــــــــــــــــــــــــــــــــــــــــــــــــــــــــــــــــــــــول

سمعت في أربعة أسر ليبية في منطفة الظهرة يعيشةن في الشارع ................!!!!؟
وطبعا اني ماصدقتش لن مشيت وشفت بعيني ...
يـــــــــــــــــــــــــــــــــــــــــــــــــــــــــــالله يا كريم كيف عائلات ليبية يسكنوا في الشارع وين المسؤوليين وين الاماناء وين الضمير وين حقوق الانسان وين الانسانية أطفال بنات ولا يرقدوا في الشارع معقولة .... معقولة إيجنا نوم وأربعة عائلات ليبية في الشارع ... مع قولة نفطرو في رمضان وأربعة عائلات ليبية في الشارع .

ياخوتي هذي قصة العيلة ...
في قرار طلع المدة إللي فاتت إن يرجع لكل شخص بيته واخدينه منه أو ناقزين فيه والبيت هذا فيه 4 عائلات ليبية قصدي عيلة وحدة لكن من أربعة وصاحب الحوش القديم يعني الأول ( المالك ) القديييييييييييييييييم بكل من سنة 70 ... المهم طلعهم من الحوش وهما معنهمش غيره ( الله غالب لأن ماعندهمش على من يتكوا يعني ماعندهمش ظهر يسندهم ناس على قد حالهم ) إطرووو أنهم هما وحوايجهم يقعدوا في الشارع لأن الراجل وأوراقه مزبوطة وعند الحق في إسترجاع بيته ... المهم العائلات يأكلو في الشارع ويرقدوا في الشارع ... وحاجاتهم في الشارع ومصكرين الشارع من الحد للحد ...... والمشكلة مش أه ني ..
المشكلة إن بلادنا كيف محتفلة بعيد الفاتح وبلادنا محتفلة بعيد 30 لسلطة الشعب وبلادنا عاطية لكل واحد حقه عاطيتنا كل شيء كيف هكي وكيف اتصير هذي المشكلة معقولة ... المشكلة أنها في طرابلس في وسط البلاد في منطقة الظهرة كيف؟ ويجونا السياح والأجانب ويلقوا المنظر هذا وشن يقولوا على ليبيا بلاد حقوق الإنسان كيف إيقولوا على بلاد الديمقراطية الشعبية .... وينكم يا مسؤولين وينكم يا أمناء وينك يا بغددي وين الضمير لكن بنقوللكم حاجة يا أمناء أن يوم لك ويوم عليك .... وإن ربي يشبح فيكم يوم .... كيف عائلات ليبية في الشـــــــــــــــــــــــــــــــــارع كيف قولولي .

ونشكر كل من وقف مع الأسر الليبية ومن أهتم بهم ووقف معهم وبالأخص جريدة أويا لأنها أول من تابع الخبر ولا زالت إلى اليوم تنقل في صورهم ومتبنية أخبارهم وواقفة معهم وهي إلى اليوم تناشد في الإخوة المسؤوولين ... لأني أول من قريت الخبر في جريدتها ( مش تقولو إيدير في دعاية )

لكن اوقفوا مع العائلة الليبية في الظهرة بالله عليكم ورجاء خاص حتى تكسبوا اجر في رمضان الكريم والمكان بالزبط الظهرة الشارع المقابل المحطة جاي في الزناقي لي فوق .
وطبعا عندي صور لكن إحترام لي العائلات منقدرش اننزلها ولكن كان تبو اتشوفوا شوية منهم في الجريدة أويا كل يوم " إسمعوا منديرش في دعاية "

للافادة منقول من منتدى الكساد

أربعة عائلات ليبية 80 يوم في الشارع ومازال ... 611903

مشكور
وهدا فعلا صار
وانا ريتهم بعيوني
ان شاء الله غير يكونو حصلوا حوش ولا حتي نص حوش في وقتنا هدا

منور
وهدا الشعب وهدا حاله
وفي ناس توا قعده من غير مصدر رزق والله اعلم كيف عايشين

رب يسترنا ويستر كل المسامين يا وحش

السلام عليكم ورحمة الله وباركاته

يناري يسخفو
أنشاء الله ربي يكون في عونهم
سلاااااااام
نجمة الملايين

معقولة في ليبيا هكي

لا حول و لا قوة الا بالله

ربي ايكون في عونهم و ايفرج كربهم

لا حول ولا قوة الا بالله

ربي يساعدهم وانشاء الله ربي

يستر المسلمين والمسلمات

أربعة عائلات ليبية 80 يوم في الشارع ومازال ...

مازال ماريت شى

ليك الله ياليبيا

منور على الموضوع ياحاج

لا حول ولا قوة الا با الله
منور على الموضوع

خير
ما زال اللي جاي اكتر من هكي

بعد ما يبدا التكسير والهدم الرسمي حيولي في عائلات اكتر من 4 في الشارع نتوقع انهم يوفوتوا الالف عائله
والتعويض يوصلهم بعد سنين يعني مش وقتي يتم تعويضهم بيش يتصرفوا هدا كان عندهم تعويض او كان حوشهم عنده شهاده عقاريه واوراق رسميه

لا حول ولا قوة الا بالله
لكن كله مع الايام يمشي والرازق حي لا يموت
والحمدلله علي كل حال

مشكورين اخوتى على الردود الجميلة

والرزاق هو الله الحى الدى لايموت

لاحول ولا قوة الا بالله العلى العظيم

العائلات اهما ليهم ربى احنى ماعندنا مانديروا

وربى ايكون امعاهم

سلام

اه شنو !!!!!!!!!