قصقصه شعبيه

خير يا غوالي
نشبح في القسم هدا فاضي
قلت خلي نخش نشطوه شويه

المهم
موضوعي قصقصه

شن رايكم في الفنانين اللي مش ليبيين وغنتوا اغاني ليبيه شعبيه مثل ذكري وغيرها زي امل عرفه

اغلبهم نجحوا وكانت اعمالهم ما دلش علي انهم مش ليبيين

من احسن فنان شعبي عندك انت ويا ها


شن رايك في كل من الفنانين والفرق التاليه

العكشي

فرقة الطائر الليبي

عمر المزداوي

طارق الناجح


واخيرا للشباب من احسن فرقه تحب تحضرلها في العراس هدا كانك من النوع اللي يمشي لفرقات العراس

وتوا نستني في الردود

سلامــــــــــــــــــات

هههههههههه
يا ليبي علي اساس تسمع ليبي هلبه

لكن من نظري فرقة الطاير الابيض مش عادية ملــــــــــيحه

وعلاش ما نسمعهاش يا اف بي اي

في اغاني صقع عليك وعلي غيرك ليبيه ومشهوره عالميه

مشكورين عالمرور والمشاركه

مشكور اخى للموضوع بس فى راى احسن من غنى الاغانى الليبية هيا الفنانة المتوفيه

دكرى محمد جعلها الله بينا سائر المسلمين فى الجنة

اما احسن فنان شعبى اكيد هو

يحيى البورة

شن رايكم في الفنانين اللي مش ليبيين وغنتوا اغاني ليبيه شعبيه مثل ذكري وغيرها زي امل عرفه

اغلبهم نجحوا وكانت اعمالهم ما دلش علي انهم مش ليبيين

صح كلامك لكن فيهم الى غنوها احسن من الليبين

من احسن فنان شعبي عندك انت

معنديش فنان معين الاغنيه الحلوة نسمعلها

شن رايك في كل من الفنانين والفرق التاليه

= العكشي مهبول

= فرقة الطائر الليبي باهية

=عمر المزداوي منسمعلاش

طارق الناجح = اهو

بالنسبة ليا طارق الناجح معقول
عصام العبيردي ما شاء الله عليه
فرقة الطائرالابيض ولا الليبي ولا مش عارف شني يقولولها
مش عادية
وفي هلبه تانيين روعه

وحتي امل عرفة علي دكر سيرتها اغانيها اللي بدت بيها وانشهرت من خلالها كانت ليبيه
والدليل واضح


لكن الريقي الليبي والله صقع عليهم