عدد الرسائل : 51 العمر : 39 العمل/الترفيه : مكسد المزاج : كويس 1 : 1 السٌّمعَة : 0 تاريخ التسجيل : 15/02/2008
موضوع: بشرى سارة : الانترنت مجانى لمدة شهرين الأحد مارس 02, 2008 7:39 pm
السلام عليكم ورحمه الله وبركاته كيف حالكم ياشباب أموركم باهيه بالله طاسة امية فى جنبك الموضوع طويل شوى شي حال طيبين كيف أخبار الانترنت معاكم كويس وإلا نص ونص جيتكم بكم خبر فيه اللي راح يفرح وما كثرهم وفيه اللي راح يزعل ورح نقوللكم من هم اللى راح يزعلوا فهمتوا شي ...مشكلة والله إنا كنت متوقع أنى نفهم و راح نقعد يوم من الأيام أستاذ في الجامعة بس شكلي مش راح يصير منى أستاذ في الجامعه باهى اللى مش فاهم يرفع يدا يلا نفهموكم الدرس الكل ينتبه ويحط ايديه على الدرج الموضوع كالاتىخوذ شربة امية صغيرة الانترنت اللاسلكي من شركة البريد اللي يقدم مجاني لفترة شهرين ابتدآ من تاريخ تفعيل الجهاز ركزوا على كلمة من تاريخ تفعيل الجهاز اللي تعطيه لك الشركة والجهاز أنواع
جهاز ZTE صيني جهاز هواوى صيني
وجهاز LG كوري بالنسبة لجهاز ZTE تحتوى العلبة على الجهاز أنتين داخلي بطول 15 سم تقريبا سى ردى التعريف وصلة الهاتف وصلة شحن الجهاز والشحن يدوم لمدة 8 ساعات تقريبا الجهاز يحتوى على مدخل شفرة زى شفرة ليبيانا ركبت فيه الشفرة متاع جهازي بس معرفتش نستعملها قالوا والعهدة على الراوى من شركة البريد انه شفرة خاصة بزيادة سرعة اتصال الانترنت نظرة عامة الجهاز الجهاز فيه بعض المشاكل في تنصيب البرنامج لان يبى طريقة شوي معقدة ومتعبة زائد الوصلة وهى من نوع خاص لا تتوفر حاليا في الأسواق وهى كثيرة العطل سرعة الاتصال في هذا النوع من الأجهزة هي 115 كيلو بايت في الثانية بعد التجربة والاختبار على موقع انترنت أفروج السرعة معقولة شياً ما والداونلود كذلك الجهاز الثاني هواوى HUAWEI صيني حتى هو سرعته KB/S 239 سرعة كويسة انا مشفتاش بس قريب نشرى واحد وأول مانشريه راح نقوللكم على مواصفاته إذا شاء الله عندي صورة من الموقع تقول ان سرعته 230 بس اللى ركبوه فقلولى السرعة 239 طريقة تركيبه سأهل زى إعداد اى برنامج عادى أسهل من اعداد الـ ZTE
الجهاز الثالث LG كوري تقريبا من اسمه شكله معقول وسرعته زى سرعة الـ ZTE KB/S 115 الوصلة أفضل من وصلة الـ ZTE لانها وصلة RJ زى متاع كروت الشبكة او الفكس مودم وهى متوفرة بكثرة ورخيصة جدا طريقة اعداده زى ماقلت نفس الـ ZTE يعنى شوى معقدة نرجعو ا للجماعة اللى مش راح يعجبهم الموضوع اللى هما أصحاب المقاهي وشبكات بث الانترنت الوايرلس راح يصير فيه نوع من التكسيد في مقاهى الانترنت لان الانترنت مجاني لمدة شهرين بس ولايهمكم اول شى الرزق على الله وعسى ان تكرهوا شياً وهو خيرا لكم . ونحب نقوللكم ان معظم الناس ما تعرفش اتبرمج المودم لأنها زى ماقلنا بعض الاجهزة معقدة لذا اغلب الناس تلجاء إلى مقاهى الانترنت لبرمج الجهاز وتنصيب برامج الانترنت الياهو ماسنجر والجافا وغيرها وبرامج الحماية منذ الفيروسات أما الناس المشتركين في شبكة الوايرلس
فا الى يفهم فى النت منهم مش راح يترك الاشتراك للفارق الواضح فى السرعات الفرق بالمئااااااات زائد ان الانترنت التو واى الفضائي يفرق على الدايل أب بواجد هذا هو الموضوع ان شاء الله نكون فرحنا البعض والبعض الاخر طمناهم واسئلوا امجرب
اه انسيت نقوللكم شى ان طريقة الاشتراك هى كتالى صورة من البطاقة الشخصية وصورة 4في 6X وشوى عضلات للدعاك اتحصل جهاز زائد مبلغ 70 دينار ونص وهى مقسمة كالاتى : خوذ شربة امية كبيـــــــــــــرة 50 دينار ونص قيمة تقديم ا لخدمة و20 دينار رصيد والجهاز مجانى على فكرة بعد يكملن الـ20 او الرصيد لازم تشرى بطاقة مرحبا لتعبئة الرصيد والمكالمات المحلية داخل نطاق الصفر مجانيا
يعنى لو تبى اتكلم واحد داخل بنغازى مش لازم تطلب 061 واحكى من الصبح لنهاية الدورى بلاش وتبى اتكلم ليبيانا والمدار رخيص تقريبا الدقيقة عشرة قروش كنت مسافر خارج ليبيا كلمنى صديق من المقهى لمدة 7 دقائق وكذلك اتصل بمشتركى لبيانا والمدار الرصيد الان 15 دينار يعنى المكالمات رخيصة جدا واما بخصوص الانترنت فهو يجى فررى زى ماقلنا بدون ما تدفع قرش واحد الخدمة الان متوفرة فى كل مدينة نالوت ومرزق والمرج ومدينة الابيار ومش عارف من اللى وصلتهم الخدمة بعدهم وان شاء الله يوم الاربعاء تتوفر فى كل من بنغازى 51 الف خط وسبها 60 الف خط وبعدها ليبيا كلها ان شاء الله تستمتعوا بالانترنت المجانى وكذلك الاتصالات ومزيدا من التقدم ياليبيا اقضى على ماتبقى فى طاسة المية ومعلوم انه فى القريب سوف يتم اطلاق خدمة الواى مكس وهى تبروووورى على الدول العربية وهذا ربط فيه جميع سرعات الاجهزة الثلاث وصورة للجهازى ZTE والملحقات http://www.tntup.com/file.php?file=868a918c5ad25f41c3347cb4c57caaca الملف يحمل اسمى NaSSeRO3 بعد تفتح لك الصفحة انتظر10 ثوانى ومن ثم اضغط على تحميل لتحميل الملف وحجمه 149 كيلو بايت فيه عبى الطاسة واشربها من جديد والسلام عليكم ورحمه الله وبركاته اتمنى ان تكون الردود فى المستوى ملاحظة والله ما نشتغل فى شركة البريد
Dr.jamal الرئيس العام للمنتدي
عدد الرسائل : 1005 العمر : 38 البلد : ليبيا الحبيبه طرابلس - سوق الجمعه العمل/الترفيه : طالب بجامعة الفاتح المزاج : ممتاز حبوب متفاهم 1 : 1 كيف حال الغالي / الغاليه اليوم : السٌّمعَة : 0 تاريخ التسجيل : 08/01/2008
موضوع: رد: بشرى سارة : الانترنت مجانى لمدة شهرين الإثنين مارس 03, 2008 2:16 am
شن رايك يا غالي نبيعوا النت ونشتركوا في البت هههههههه
شكرا عالبشره لكن تبي الحق والله ما فهمتها زين مشكور
نجمة الملايين مشرفة قسم الكوجينه
عدد الرسائل : 727 العمر : 35 البلد : تنزانيا العمل/الترفيه : طالبه المزاج : مش عادي 1 : 1 كيف حال الغالي / الغاليه اليوم : السٌّمعَة : 0 تاريخ التسجيل : 21/01/2008
موضوع: رد: بشرى سارة : الانترنت مجانى لمدة شهرين الإثنين مارس 03, 2008 9:31 am
السلام عليكم ورحمة الله وباركاته
مشكور علي مجهودك الرائع والميا كملتها كلها
يعني نت مجاني من تاريخ التفعيل ألي تعطيه الشركه به ونبي جهاز أل جي باهي لاكن طريقة الأعداد قلت شويا معقده لاكن الجهاز هدا يستخد بي الشفره صح وجهاز شحن وسرعته مليحه به 50 تقدسم خدمه و20 رصيد به يعني داخلي بلاش لما يكون أرضي ووالمدار وليبيانا بي هادي الشفره أرخص به
يعني جهاز وشفره وبرنامج ألجي وحق الشفره بي الخدمه متاع الرصيد 70 كله ولنت فري وسرعه مليحه والله ألا فكره مليحه ومشكور علي تعبك تو نروح لي ليبيا وندير هكي تقدم مشاء الله سلااااااااام نجمة الملايين
el3alem مشرف قسم الرياضه المحليه
عدد الرسائل : 2952 العمر : 116 العمل/الترفيه : نرد علي كل المواضيع المزاج : نشوف في الضي 1 : 1 كيف حال الغالي / الغاليه اليوم : الدوله : السٌّمعَة : 0 تاريخ التسجيل : 23/01/2008
موضوع: رد: بشرى سارة : الانترنت مجانى لمدة شهرين الإثنين مارس 03, 2008 12:43 pm
ما فهمت شي
ومشكور يادكتاتور علي الموضوع لاكن موضوعك مش يبي مية
يبي شركة البيبسي بحاها وانشاء الله الحال يلايم
dictator غالي جديد
عدد الرسائل : 51 العمر : 39 العمل/الترفيه : مكسد المزاج : كويس 1 : 1 السٌّمعَة : 0 تاريخ التسجيل : 15/02/2008
موضوع: رد: بشرى سارة : الانترنت مجانى لمدة شهرين الإثنين مارس 03, 2008 9:21 pm
والله حتى اني بيدت اصوابعي عليه تعرفو اخديت من السوق 10سيريات اصوابع
NeEd4SpeEd المشرفون
عدد الرسائل : 112 العمر : 38 العمل/الترفيه : طالب المزاج : رايقة 1 : 1 كيف حال الغالي / الغاليه اليوم : السٌّمعَة : 0 تاريخ التسجيل : 13/01/2008
موضوع: رد: بشرى سارة : الانترنت مجانى لمدة شهرين الخميس مارس 20, 2008 1:33 am
الأربعاء سبتمبر 24, 2014 4:05 am من طرف عاشق بربورة
موضوع: بشرى سارة : الانترنت مجانى لمدة شهرين 
إنا كنت متوقع أنى نفهم و راح نقعد يوم من الأيام أستاذ في الجامعة بس شكلي مش راح يصير منى أستاذ في الجامعه 
لاكن موضوعك مش يبي مية
