شن شعوركم بالله

أهلين كيف حالكم كلكم
أنشاء الله بخير
بالله
قولي يالي تقرو في التنوي
بالله الأبله
ولا الأستاد ألي
يخش
في الفصل ويدير في روحه واعر وزياده مع هدا ما يفهمش
ويظلم في الدرجات
وفي حمد وفي حميده
بالله شن موقفك أمتا أستاد يظلمك هكي راسه بي راسك طول العام
وةخصوصا لما تبدأ شاطر
ويحط للغبي ألي ما يستاهلش
درجه مليحه
مجرد أن هو
أمه تكون أو بوه يكون
أني الحق صا يرلي موقف لي
توا مش
قادرا ننساه
هي
شاركونا رأيكم
سلااااااااااااااااااااااااام
نجمة الملايين

والله انى توا مانقراش فى التانوى لكن زمان كانت تصير هلبا المواقف هدى وماعندنا شن

بنقولوا الا حسبنا الله ونعم الوكيل وربى ياخد فيهم الحق وانسى يانجومة باش تستمر الحياة لان

مافيش شى يستاهل وشكرا

سلام

مشكوره فراشه علي المشاركه
لاكن حتى أني ما نقراش في التنوي
لاكن الصراحه توجعني
أمتا فيه حمد وفيه حميده
مش أبله تجي تشرح من الكتاب
وتجي تسأليها علي شئ تقولك برا أقرا
وفي نهايت العام تلقا روحك صاقت
والحمار ألي زي الحيط ناجح ولا ولد مدير
ناجح
ومش هكي وبس وكيف تجي تراجع ورقتك
يقولولك مافيش مراجعه
وحتى المسؤلين أحرف منهم
توا أنتم شن رايكم الحل
مش
نغيرو هدي الحاجه
زعما
كيف وأمنتا
وزعما القوه تجيب حقك ولالا
سلاااااااااام
نجمة الملايين

السلام عليكم ورحمة الله وباركاته
أهلين بودما لاكن يا بودما كيف خلي تخش في بعضها
شن هلكلام هدا يا بيها طابت يا نحرقت
هدي مش كيكه

هدا مستقبلك هدادي كرامتك
مش كان يغيرو تعليم مش خير
سلااااااااااااام
نجمة الملايين

تبي الحق
كانا الكلام الطيب مانفعش في طريقه تانيه



اني صراحة مانتحملش الضلم
والمدارس مش ملك لي المدرسين ولا المدرسات

واني الحمد لله مافي حد ضلمني لئن مانقراش في ليبيا هههههههههه

شكرا اختي علي الموضوع الرائع

هههههههههه

والله يا نجمه انت طرحت بموضوعك مشكلة واقعية
وتعتبر اساسية في اامدارس الليبية
لانه نادرا ما يمر عليا شخص وهو ما ظلمه حد في المدرسه او في الثانوي
الا من رحم الله
وانا شخصيا مريت بهالموقف هدا اكتر من 5 مرات
وكان منهم 3 مرات في نفس السنه ومن نفس المعلمه
اللي ان شاء الله ما تشوف الخير ورب ياخد فيها الحق
وشديتها في جرتها وشدتها في جرتي وصار فيها المشاكل وانا جبت نص عيلتي وهيا جابت خوتها وراجلها
وصار الرفس اكتر من مرة
والابلة امتنعت عن دخول المدرسة والمدير زعميتك يهدي فيا ويبي نسكت عارف الابلة غالطه
المشكله كانت عبارة عن انه ولد اختها مش شاطر ومقعمز جنبي في بداية السنه
ولما حسيت انه يستغل فيا وانه مشوه سمعتي حولت لمكان تاني
ومنها والابلة مدايره راسها من راسي وتبي باي وسيلة تضربني

ومره من المرات خشيت بعد الاستراحه موخر شويه للفصل ولقيتها فيه وهيا ما صدقت لقيت الفرصه
جت تجري زي القطار وشديتني وتفلت فيا ضرب في جميع الجهات
علي قولت انا مش طرطورة مش نخش وانت تقعد برا
وضربتني في وجهي جنب عيني وسلختلي وجهي يعني الجرح يقعد مكانه بعد ما نكبر شوي انا سخنت بعد ما جت العصا في وجهي
وشديتها وضربتها ونحيتلها شاربتها وشحيتلها شعرها وبدت تزريك وتعيط
المهم حزون الطلبه
وهيا هربت طول
وانا هربت جبت العائله كلها
والحمدلله الطلبة شهدوا معاي
وهيا حولت من المدرسة بعد 6 شهور
وانا كملت العام
وسيبتهالهم
لكن ما سكتش
وناقص حاجه واحده ما درتهاش لان بوي منعني من ديرانها
وهيا اني نفتح فيها مصدر في الشرطه وعندي الدليل لاني قعدة اسبوعين نداوي في الجرح في الطبي
لكن حسني الله ونعم الوكيل
وولد اختها حول من المدرسة طول قبلها حتي هيا

شعوري شعور بايخ

والله تبو الحق
الواحد في ليبيا


ولالا
قولو باهي والحمد لله
قالو بتتغير

ويا عزة نفس باهي درتلها هكي


والمفروض زدتها شويا
لأن في منهم هلبا الشكلات زي الأبلات هادو



وين الفراشه

ضحك
ضحك
مشكووووووووووووووووووور عزة نفس علي المشاركه وكدالك الكسلان
سلاااااااااااام
نجمة الملايين

تي باهي يا روكيستا

خلاص نعبا عليك لاكن خساره يا روكيستا

معاش نقرو في المدارس
لاكن أول منشوف حاجه هكي ولا هكي
تو طول نادي عليك

وأحسن حاشه يا عاشقبربوره
تقرا برا لاكن
أكيد حتى برا فيه حمد وحميده

مشكورين علي الردورد

[size=16]3bdoأهلا بيك


لاكن الله غالب لاكن الحل أن الطلاب معاش يسكتو المفروض والحق في المدرسين أصلا والتعليم
وكل واحد مسئول
[/size]

انى متقعد بكرى الحق