((((مانك متاع زرادي[)))))
-----------------------------------
مانك متاع زرادي
من شكلك إنت سحنون نوعك هادي°°°بلا مواخدة مانك متاع زرادي
[]مانك متاع جفارة°°°ومانك اللي أهلك تريس عصارة
حتى عيشتك عايش حياة حضارة°°°بحدى ليلى كل يوم تبدأ غادي
ولاتعرف الحضرة من الزكارة °°°كله سواء عندك ترات بلادي
إنضنك إلا تسمع لناس نصارى°°° ال يترادحو مع بعض بالتعدادي
وتشطح معاهم وعندك الرقص مهارة°°°ولاتعرف حشم عندك أكله عادي
وفي طلعتك لازم من النظارة°°°ولبسك مرقع تقول لبس تشادي
وفطورك من البريوش تاخد حارة°°°حسابك إنت والبنت اللي في النادي
وغداكم مسلفر باخضرته وخياره°°°وتقولو على البازين حي مرمادي
فلوس بوك كاسبها كما القمارة°°°وقرش الحرام ما ينفعش حتى زرادي
كل شيكم أعوج عليك خسارة°°°ماتفرقو ما بين هذه وهذه
وتسمو في مهند وأخته سارة°°°ماتسموش لا مطيرة ولا البغدادي
ولا تعرفو التنور لا وقيدة ناره°°° والخبز يوصلكم فرادي فرادي
ولاعندكم غيرة ولاحزارة°°°تشوفو العوج وتفوتوه تقولو عادي
مانك متاع زرادي
من شكلك إنت سحنون نوعك هادي°°°بلا مواخدة مانك متاع زرادي
الأربعاء سبتمبر 24, 2014 4:05 am من طرف عاشق بربورة
موضوع: جديد الزليطنى (مانك امتاع زرادى) 
